کۆلیژا ئەندازیاریێ ئێک ژ کەڤنترین کۆلیژانە ل زانکۆیا دهۆک کو پتر ژ 1350 قوتابیێن بەکالۆریۆس و خواندنا بلند، 123 ئەکادیمی، و 22 تاقیگەهێن فێرکرن وڤەکۆلینێ د ناڤ دا هەنە. کۆلیژ گرۆپەکا جۆراوجۆر ژ پرۆگرامێن بەکالۆریۆس، ماستەر و دکتورایێ ژ پێنج پشکێن ئەکادیمی دابین دکەت کو ب ساڵانە قوتابیان وەردگرن. ل کۆلیژا ئەندازیاریێ، ئەم هەوڵێ ددەین بۆ ئامادەکرنا ئەندازیارێن زانینا تەکنیکی یا ب هێز فێربووین دگەل شارەزایێن پراکتیکی یێن پێدڤی د جیهانا نوی دا . ئەم رۆلێ قوتابی وەکو رۆلەکێ سەرەکی د پرۆسەیا فێربوونێ دا دبینین؛ لەورا ئەم قوتابیان هانددەین کو ببنە کەسێن داهێنەر، بیرکەرێن رەخنەگر، دیزاینەر، چارەسەرکارێن ئاریشەیان، کارکەرێن تیمی، هەروەسا پەیوەندیکەر و فێربوویێن سەرانسەری ژیانێ. ئەم سەرەدەریکرنێ دگەل رێزەکا تاقیگەهـ و ئامرازێت کۆمپیتەری دکەین بۆ دابینکرنا پێدڤیێن فێرکرنێ و ڤەکۆلینێ.
دید
کو ببیتە کۆلیژا پێشەنگ یا ئەندازیاریێ ل هەرێما کوردستانێ، کو ناسکریە ب باشترین د فێرکرنێ، ڤەکۆلینا پراکتیکی یا ب کاریگەری، و پەیوەندیکرنا دگەل پیشەسازیێ، فێرکرنا ئەندازیارێن پاشەڕۆژێ، یێن کو ئاڤا دکەن و داهێنانێ دکەن، ژینگەهێ بپارێزن و پێشکەفتنا ئابووری ل سەرانسەری ئیراقێ بجوولینن.
پەیام
ئارمانجا مە خزمەتکرنا جڤاکێ کوردستانێ و دەرڤەی وێ یە ب رێکا ئامادەکرنا ئەندازیاران کو ب زانینا هونەری یا گونجایی و بەرپرسیارەتییا جڤاکی یا ب هێز. ئەم سەرەدەریکرنێ دگەل پێشینەیێن خۆمالی و جیهانی دکەین ب ئەنجامدانا ڤەکۆلینێن پراکتیکی و ئامادەکرنا شارەزایان کو ژ رۆژا ئێکێ یا دەرچوونێ رۆلێ خۆ هەبیت.
پەیڤا راگری
بخێر هاتن بۆ کۆلیژا ئەندازیاریێ ل زانکۆیا دهۆک. ئەز یێ شانازی بۆ من ئەڤ دەرفەتە ب دەستڤە هاتیە کو ڕابەرییا کۆمەڵگەهەکێ بکەم کو ب دل و جان کار دکەت بۆ وەرچەرخاندا زانینێ بۆ مفا و قازانجا جڤاکێ مە. مە باوەرە کو ئەندازیاری هەر نە ژ کارەکێ فێربوویی یە، بەلکو داخوازەک ژی یە بۆ باشترکرنا جیهانێ دا ببیتە جهەکێ باشتر، دوومدەر ودادپەروەرتر. کۆلیژ پرۆگرامێن بەکالۆریۆس و خواندنا بلند پێشکێش دکەت د بوارێن ئەندازیاری یێن فرە-پسپۆری دا، ب تایبەتی: ئەندازیارییا تەلارسازی، ئەندازیارییا شارستانی، ئەندازیارییا کارەبا و کۆمپیتەری، ئەندازیارییا مێکانیک و ئەندازیارییا بایۆمێدیکاڵ یا کو بەردەوام گەشێ دکەت. ب دلخۆشیەکا مەزن، ب شادمانم بێژم کو نوکە مە هەڤکاریەکا بەرچاڤ دگەل زانکۆیا THM هەیە، کو نوونەراتییا دوو-پلەیا زانکۆیی (double degree) د ئەندازیارییا بایۆمێدیکی دا دکەت، و ب هیڤی و گەشبیینیەکا مەزن، پلانا هەڤکاریێن زێدەتر دکەین. د دەمێ نوکە دا، مە هەڤکاریک ژی هەیە بۆ ب دەستڤەئینانا پرۆگرامێن پەسەندکریێن ABET بۆ دڵنیابوون ژ گونجاندنا دەرچوویێن مە دگەل ستانداردێن نێڤدەولەتی. وەک کو گۆتار دبێژیت: "چاڤەریێ دەرفەتێ نەبە، بەلکو چێبکە". لەورا، مە گشت ئامرازێت خۆ ب تەمامی تەرخان کرینە بۆ ئارمانجکرنا پرۆگرامێن باش و پلاندانانا پرۆگرامان ب کوالیتیەکا بلند کو ب شێوەیەکێ سەرەکی گرنگیێ ددەتە پێشکێشکرنا باشترین و سەرکێشیێ د پرۆگرامێن بەکالۆریۆس و خواندنا بلند دا. هەولدانێن مە بۆ سەرکەفتنێ پرۆسەیەکا بەردەوامە و وپابەندبوونا من ب ڤێ زانکۆیێ رامانا وێ ئەوە کو باشترین ب دەستڤە بینم و بپارێزم د کارێن مە یێن فێرکرنێ، ڤەکۆلینێ و خزمەتکرنا جڤاکێ مە دا. ئەم ب دل و جان د رژدین بۆ دابینکرنا دەرفەتێن فێرکرنێ یێن سەرنجڕاکێش بۆ قوتابیێن مە، دا کو ئەم پێکڤە، بکارین شارەزایێن پاشەڕۆژێ د بوارێ ئەندازیاریێ دا چێبکەین. ئەم بخێر هاتنا قوتابیان، دەرچوویان، هەڤبەشێن پیشەسازی و هەموو پشکدارێن جڤاکی دکەین بۆ پەیوەندیکرنێ دگەل مە ب رێکا کارێن پراکتیکی، ڤەکۆلینێن هەڤبەش، وانەیێن مێڤانان و رۆلێن راوێژکاری. پێکڤە دشێین چارەسەریێن بەردەوام و نوویچێکر چێبکەین کو دشێن ژیانا خەلکی ل سەرانسەری هەرێما کوردستانێ باشتر بکەن. سوپاس بۆ پیتەپێدانا تە ب کۆلیژا ئەندازیاریێ. ب هیڤییا کارکرنا دگەل تە. پ. هـ. د. نەشوان شەوکەت مەحمود ڕاگری ب وەکالەت، کۆلیژا ئەندازیاریێ زانکۆیا دهۆک ئیمەیل: [email protected]
