پشکا ئەندازیاریا تەلارسازی ل زانکۆیا دهۆک وەک سەنتەرەکێ نایابێ ئەکادیمی، و ڤەکۆلینا زانستی، و پشکداریا پیشەیی د ناڤ ژینگەها ئاڤادانیێ دا خزمەتێ دکەت. ب ڕێكا سیستەمێ خوە یێ فێرکرنێ یێ چالاک، پشک پڕۆگرامێن بەکالۆریۆسێ و خواندنا بلند دابین دکەت، و ڤەکۆلینێن داهێنەرانە بەرهەم دئینیت، و ڕاهێنان ئەندازیاری یێن تایبەتمەند پێشکەش دکەت، و ب شێوەیەکێ چالاک پشکداریێ د گەشەپێدانا بەردەوام یا جڤاکێن خۆجهى و هەرێمی دا دکەت.

پڕۆگرامێن ئەکادیمی و پرۆگرامێ خواندنێ

چوارچۆڤەیێن مە یێن پەروەردەیی زانیاریێن تیۆری، داهێنانا هونەری، و بنەمایێن تەکنیکی یێن ئەندازیاری تێکهەڵدکەن کۆ هەڤهاتینە دگەل کەلەپوورێ خۆجهى و پێڤەرێن جیهانی دا.

• بەکالۆریۆسا زانست (B.Sc.) د ئەندازیاریا تەلارسازی دا: پڕۆگرامەکێ ٥ ساڵی یە (١٠ سمستەر، ٣٠٠ یەکەیێن ECTS) کۆ هاتیە دیزاینکرن بۆ ئاڤاکرنا شیانێن بنەڕەتی د بوارێن دیزاینا تەلارسازی، نەخشەسازییا شارستانی، تەکنۆلۆجیایا ئاڤاهیان، مێژوو و تیۆری، ئەندازیاریا ئاڤاهیان، و نیشاندانا دیجیتاڵی دا.
• پڕۆگرامێن خواندنا بلند: خواندنا بلندا پێشكەفتی یێن دبلۆما بلند، ماستەر، و دکتۆرایێ کۆ تەرکیزێ دکەنە سەر ڤەکۆلینێن تایبەتمەند، تیۆرى یا تەلارسازی، دیزاینا شارستانی، ئاکنجیبوون، و تەکنۆلۆجیایێن نووژەن یێن ئاڤاکرنێ.

ڤەکۆلین و شێورێن ئەندازیاری

مامۆستا و ڤەکۆلەرێن بەشی ب شێوەیەکێ چالاک ڤەکۆلینان ئەنجام ددەن بۆ چاره‌سەرکرنا ئاستەنگێن هەڤچەرخ یێن تەلارسازی، ژینگەهی، و جهی. ب مفاوەرگرتن ژ شارەزاییا خوە یا ئەکادیمی یا تایبەتمەند، بەش خزمەتگوزاریێن راوێژگاریا ئەندازیاری پێشکەشی کەرتی گشتی و تایبەت دکەت د بوارێن خانوبەرێن شارستانی، دیزاینا دومدار یا ژینگەهێ ، نەخشەسازییا جهی، و ئەنجامدانا ئاڤاهیان دا.

کاریگەڕیا جڤاکی و ئاسانکاری (فەسێلیتی)

پشک پابەندە ب دەولەمەندکرنا جڤاکێ مرۆڤایەتی و پاراستنا ناسنامەیا هەرێمی. ب ڕێكا پڕۆژەیێن دیزاینێ یێن هەڤپشک، مبادرەیێن گشتی، و کارێن قوتابیان، ئەم ئارامیا ژینگەیی، مفاداریێ (وه‌زیفێ)، جوانکاریێ، و سلامەتیا جڤاکی پێشئێخین. پرۆسەیا فێربوونا پراکتیکی و گەڕیانا دیزاینێ تێتە پشتەڤانیکرن ب ئاسانکاریێن تایبەت، ژ وان ژی:

• ٤ ستودیۆیێن تایبەتمەند یێن دیزاینا تەلارسازی
• ستودیۆیەکا تایبەت يا وێنەکێشانا ب دەست (Free-Hand) و هونەرێن جوان
• تاقیکەها کومپیوتەرێ یا دیزاینکرن ب هاریکاریا کومپیوتەری (CAD)
• کتێبخانەکا تایبەت یا پشکێ و هۆلێن وانەبێژیێ.