بەشێ ئەندازیاریا کارەبا و کومپیوتەر وەک پشکەک ژ کۆلیژا ئەندازیاری د ناڤ زانکۆیا دهۆک دا د ئابا ساڵا ٢٠٠٦ێ دا هاتە دامەزراندن. ئێکەم خولا قوتابیان ل تەباخا ساڵا ٢٠٠٦ێ دا د ڤی بەشی دا هاتنە وەرگرتن.

پرۆگرامێن خواندنێ ل سەر بنەمایێ پێڤەرێن پێشنیارکری ژ لایێ دامەزراوەیێن بناڤودەنگ یێن وەک کۆمەڵا IEEE و ACM یێن هاتینە دیزاینکرن، کۆ ژ لایێ بەشێن هەڤشێوە ل سەرانسەری جیهانێ هاتینە پەسەندکرن.

پرۆگرامێن خواندنێ هەڤسەنگییەکێ د ناڤبەرا بوارێن ئەندازیاریا کارەبا و ئەندازیاریا کومپیوتەری دا پەیدا دکەن. پڕۆگرامێن بەشی گرنگیێ دکەتە ئەندازیاریا ئه‌لکترۆنیاتێ، ئەندازیاریا هێزێ، ئەندازیاریا پەيوەنديان، ئەندازیاریا کومپیوتەری، پرۆسێسکرنا ئاماژەیان (سیگنال)، و ئەندازیاریا کۆنترۆڵێ وەک چوارچۆڤەیەک بۆ کۆرسێن خواندنێ د ئەندازیاریا کارەبا و کومپیوتەر دا.