دەربارەی پرۆگرامی
پڕۆگرامێ بەكالۆريۆسێ تایبەتمەندیەکا گشتی د ئەندازیاریا ميكانيك دا پێشکەش دکەت و د ساڵا ٢٠١٥ێ دا هاتە دامەزراندن. پڕۆگرامێ خواندنێ یێ فرەپشک گرنگیێ ددەتە ئارامیا ژینگەهێ (sustainability)، دیزاینکرنا بەرهەمان، و ڕێڤەبرنا پڕۆژەیان. کۆرسێن خواندنێ زانیاریێن قوتابیان د بوارێن ميكانيك، داینامیکا گەرمیێ (Thermodynamics)، ميكانیکا شلەیان (Fluid Mechanics)، ڤەگوهاستنا گەرمیی، زانستێ کەرستەیان (Materials)، داینامیک، هژیان (Vibration)، کۆنترۆڵ، و دیزاینکرن ب هاریکاریا کومپیوتەری گەشە پێددەن. پڕۆگرام بەرسڤا پێدڤیێن نوی د بوارێن وزە و ڤەگوهاستن و ساخلەمیێ دا ددەت و ئارمانج ئەوە ببیتە سەنتەرەکێ ڤەکۆلینێن پێشکەفتی، ب گرنگیدانا پ نایابیێ د وانەبێژی، ڤەکۆلین، و خزمەتگوزاریێ دا.
ڕۆڵێن پیشەیی یێن دەرچوویان
دەرچوويين ڤی پرۆگرامی دشێن د کۆمەکا بەرفرەهـ یا سێکتەران دا کار بکن، ژ وان ژی: پیشەسازیا ترۆمبێلان، فڕۆكەڤانی، وزە، بەرهەمهێنان، گەرمکرن و سارکرن، و کۆمپانیێن ڕاوێژکاریێ. ڕۆڵێن کاری یێن بنەڕەتی بريتين ژ شيكارکرنا کێشەیان و دیزاینکرن، گەشەپێدان، تاقیکرن، و چاڤدێریکرنا دروستکرنا ئامێرێن ميكانيكى و گەرمیی وەک بزوێنەر، تورباین، وێستگەیێن وزەیێ، و سیستەمێن سارکرنێ و گەرمکرنێ. هەروەسا دەرچوو ل سەر ئەگەڕێن تێکچوونا کەلوپەلان ڤەکۆلینێ دکەن، نموونەیێن دەستپێکی (prototyping) کاردکەن، و دلنیا بوونێ ژ جێبەجێکرنا پیڤەرێن کوالێتی و سلامەتیێ د بەرهەمان دا دکەن.
باوەرنامەیا دهێتە بەخشین
بەكالۆریۆس د زانستێن ئەندازیارییا میکانیک دا (.B.Sc)
ماوێ پڕۆگرامی
٤ سال (٨ سیمیستەر)
هژمارا یەکەیێن خواندنێ
٢٤٠ یەکەیێن ئەوروپی (ECTS)
ئاوایێ خواندنێ
دەواما تەمام د ناڤ کەمپا زانکۆیێ دا
پێزانینێن تێروتەسەل دۆر پێدڤیێن پڕۆگرامی، وانەیێن خواندنێ، یەکەیێن خواندنێ، و ئارمانجێن پەروەردەیی وەکو فایلا PDF بدەست خۆ ڤە بینە.
ئارمانجێن پرۆگرامی
رێبەرایەتیا تەکنیکی د سێکتەرێن پیشەسازی یێن هەرێمی دا
دەرچووی دێ سەركەفتنێ ئینن د بکارئینانا بنەمایێن پێشكەفتی یێن ئەندازیاریا ميكانيك دا بۆ چارهسەرکرنا ئاستەنگێن ئاڵۆز و ڕێبەرایەتیکرنا داهێنانێ د ناڤ سێکتەرێن پیشەسازی، خزمەتگوزاری، چێکرنا خارنێ، وزە، و نەفتێ دا ل کوردستانێ.
چارهسەریێن دومدار و پەیڕەوێ ئەخلاقی
دەرچووی دێ چارهسەریێن ئەندازیاری دیزاین بکن، جێبەجێ بکن، و ڕێڤە ببرن کۆ ئەولەویەتێ ددنە ساخلەمیا گشتی، سلامەتی، ئارامیا ژینگەیی، و شیانا ئابوری، ب پابەندبوون ب ئەخلاق و بەرپرسیارەتیێن پیشەیی د چوارچۆڤەیێ خۆجهى و جیهانی دا.
گەشەپێدانا پیشەیی یا هەڤکارانە
دەرچووی دێ ب کارامەیی د ناڤ تیمێن جۆراوجۆر دا هەڤکار بکن، زانیاریێن تەکنیکی یێن ئاڵۆز گەهینن، و پابەند بن ب گەشەپێدانا پیشەیی یا بەردەوام دا کۆ بگونجن دگەل گۆڕانکاریێن تەکنۆلۆجی و پێدڤیێن سێکتەرێ پیشەسازی د هەرێمێ دا
دەرئەنجامێت فێربوونا پڕۆگرامی
- شیانا دەستنیشانکرن، دارشتن، و چارهسەرکرنا کێشەیێن ئاڵۆز یێن ئەندازیاریا ميكانيك، نەخاسمە ئەوئێن د تووشى ئامێرێن پیشەسازی، سیستەمێن وزەیێ، و ژێرخانێ دبن، ب ڕێكا جێبەجێکرنا بنەمایێن ئەندازیاری، زانست، و ماتماتیکێ.
- شیانا جێبەجێکرنا بنەمایێن دیزاینا ئەندازیاریا ميكانيك بۆ گەشەپێدان و باشترکرنا چارهسەریان بۆ سیستەمێن ميكانيكى (وەک سیستەمێن گەرمکرن، هەواگۆڕكێ و تەكييفێ - HVAC، بەرهەمهێنانا وزەیێ، پرۆسەیێن پیشەسازی، و ئامێرێن بەرهەمهێنانا خارنێ)، ب بەرچاڤوەرگرتنا ئاستێ کارکرنێ، کارامەیی، سلامەتی، و هۆکارێن ئابوری و جڤاکی یێن گرێدایی.
- شیانا گەشەپێدان، ئەنجامدان، و شرۆڤەکرنا ئهنجامێن تاقیکرن و هەمبەرکرنێن (simulation) گونجای بۆ سیستەمێن ميكانيكى، ب ڕێكا شيكارکرنا رەخنەگرانە یا داتایان بۆ گەهشتن ب ئهنجامێن دروست یێن ئەندازیاری.
- شیانا نیاسینا بەرپرسیارەتیێن ڕەوشتى و پیشەیی د پراكتیزکرنا ئەندازیاریا ميكانيك دا، و دانانا بڕیارێن زانا کۆ کارتێکرنا چارهسەریێن ئەندازیاری ل سەر جڤاک، ئابور، و ژینگەهێ ل ئاستێ خۆجهى و جیهانی بەرچاف بگریت، نەخاسمە د چوارچۆڤەیێ پیشەسازی یێ هەرێمێ دا.
- شیانا کارکرنا کارامە د ناڤ تیمێن فرەپشک دا، ب ڕێكا دابینکرنا ڕێبەرایەتیێ، هاندانا هەڤکاریێ، و گەهاندنا رووناك یا زانیاریێن تەکنیکی یێن ئاڵۆز بۆ کۆمەکا جۆراوجۆر یا خەڵکی، چ د ناڤ بوارێ ئەندازیاری دا یان دگەل لایەنێن پەیوەندیدار یێن نە-تەکنیکی.
- شیانا بدەستڤەئینان و جێبەجێکرنا زانیاریێن نوو و تەکنۆلۆجیایێن سەردەمانە د ئەندازیاریا ميكانيك دا، ب ڕێكا بکارئینانا ستراتیجیێن گونجای یێن فێربوونێ دا کۆ بگونجن دگەل پێدڤیێن داینامیکی یێن سێکتەرێن پیشەسازی و خزمەتگوزاریێ.
پێدڤیێن گشتی یێن تەمامکرنا پرۆگرامی
کورسێن خواندنێ
ژ قوتابيان دهێته خواستن كو كێمتری ٢٢٢ یەکەیێن ئەوروپی (ECTS) د ماوێ ٨ سیمیستەران دا بدەست خۆ ڤە بینن.
پرۆژێ دەرچوونێ
ژ قوتابيان دهێتە خواستن پرۆژەیەکێ دەرچوونێ کۆ ١٢ یەکەیێن ئەوروپی (ECTS) ئەنجام بخۆڤە دگریت، ڕاپۆرتەکێ پێشکێشی پشکێ بکەن، و تاقیکرنێ ب سەرکەفتن دەرباز بکەن.
ژ قوتابی دهێتە خواستن ڕاهێنانەکا مەيدانی (ئینتێرنشپ) بەرامبەر ٦ یەکەیێن ئەوروپی (ECTS) ئەنجام بدت، ب گشتی د سیمیستەرا دوماهيێ دا یا بپشتی بدەستڤەئینانا کێمتری ١٨٠ یەکەیێن ئەوروپی (ECTS).
هێلکارێ دارشتا پڕۆگرامی دگەل یەکەیان
رێکخەرێ پرۆگرامی
Sept. 1, 2026
⚠️ قوتابیێن ساڵا ئێکێ ل دەوروبەرێن ناڤەڕاستا هەیڤا دەهـ (تشرینا ئێکێ) دەست پێ دکەن
⚠️ قوتابیێن ساڵا ئێکێ ل دەوروبەرێن ٢٠ هەیڤا ئێک (کانینا دووێ) ئەزموونا دەسپێ دکەن پێ دکەن
July 1, 2027
ساڵنامەیا ئەکادیمی یا تەمام بخوینە ل سەر مالپەرێ زانکۆیا دهۆک
پرۆفیسورێ هاریکار د یان مێکانیکا شلەیان / داینەمیکا شلەیان یا ژمارەیی دا
ئەندازیاریا ميكانيك
كوليژا ئەندازیارى
زانکۆیا دهۆك
وەرگرتنا قوتابيان د قۆناغا بەكالۆريۆسێ دا د زانکۆیێن حکومی یێن هەرێمێ دا ب شێوەیەکێ ناوەندی ژلایێ وەزارەتا خوێندنا باڵا ڤە ب ڕێكا پۆرتالا ئەلیکترۆنی یا زانکۆلاین (regayzanko.com) دهێتە ڕێڤەبرن. پشتی ڕاگەهاندنا ئەنجامێن پۆلا ١٢ێ یا ئامادەیی، قوتابخانە هەژمارێن چوونەژوورێ ددنە قوتابیان دا کو د ماوێ ١٠ هەتا ١٤ ڕۆژان دا ئارمانج و حەزێن خۆ یێن زانکۆ و بەشێن خواندنێ دیار بکن. دابەشکرنا کورسیان ب شێوەیەکێ ئۆتۆماتیکی ل سەر بنەمایێ تێکڕایێ (نمرە) پۆلا ١٢ێ، بابتان، و شیانا وەرگرتنا بەشان دهێتە دیارکرن.