زانکۆیا دهۆك

نڤیسینگەها شیرەتکارى یا ئەندازیارى

Oct. 30, 2025, 12:05 p.m.

نڤیسینگەها شیرەتکاری ئەندازیاری ل سالا 1996ێ هاتیە دامەزراندن ب ئارمانجا پێشکێشکرنا هاریکارییا شیرەتکاری یا ئەندازیاری، دارایی و رێڤەبەریێ بۆ دام ودەزگەهـ و دەستگەهێن میری و تایبەت. تیمەکا ئەندازیاری یا فرە-پسپۆری ژ شارەزایێن ئەکادیمی خزمەتێن شیرەتکاری یێن ڤێ نڤیسینگەهێ پشتەڤانی دکەن.

نڤیسینگەها شیرەتکاری ئەندازیاری کارێن شیرەتکاری-ئەندازیاری بۆ پلان و پرۆژەیێن ناڤخۆیی ئەنجام ددەت، ب پشتبەستن ب کادرێ ئەکادیمیێ پلە بلندێ شارەزایان، و ب هاریکاریا هەڤبەشێن مە ل دویڤ رێزبەندییا ل خوارێ:

دابینکرنا دیزاینێ تێروگۆڕ یێ پرۆژەی ب رێکا گرۆپێن ئەندازیاری یێن باوەرپێکری.
ئەنجامدانا ڤەکۆلینێن گونجاندنێ (فیزەبیلیتی) و بودجەیێن سەرەکی بۆ پرۆژەیان.
دەرخستنا تەندەران کو دگەل مەرجێن یاسایی و هونەری رێکدکەڤن.
رێڤەبرن و چاڤدێریکرنا پرۆژەی.
وۆرکشۆپێن راهێنانێ یێن پسپۆری بۆ ئەندازیاران.

بوارێن ئەندازیاریێ

نڤیسینگەها شیرەتکاری ئەندازیاری سەرەدەریکرنێ دگەل پرۆژەیێن بوارێن جودا یێن ئەندازیاریێ دکەت، کو ڤەدگریت: دیزاینێ ئاڤاهیسازی، دابینکرنا ئاڤێ و ئاڤرێژێ، رێڤەبرنا ئاڤێ، کارێن جیۆتەکنیکی، دیزاینێن ئەندازیارییا تەلارسازی و پلانان، ئەندازیارییا وزەی، پرۆژەیێن ئەندازیارییا پەیوەندییان وکۆمپیتەری، کارێن ئەندازیارییا مێکانیکی، خزمەتێن ئەندازیارییا رووپێڤانێ. هەمی پشکێن ئەندازیاریێ د کارێن ئەندازیاری یێن نڤیسینگەهێ دا بەشدارن.

نموونەیێن پرۆژەیێن کو ژلایێ نڤیسینگەها شیرەتکاری ئەندازیاری (ECB) ڤە هاتینە ئەنجامدان:

دیزاینکرنا وێستگەهێن پاقژکرنا ئاڤێ ل (ئێتێت، کۆمەلگەها بریفکا، زاخۆ، عەقرە، ئامێدیێ، چەمچەمال، سحێلە، باکرمان).
دیزاینکرنا بالەخانەیا سەنتەرێ ڕۆشنبیری ل زانکۆیا کۆیە.
دیزاینکرنا چارەگەهێن هاتن و چوونێ د ناڤبەرا پرّا کوردستان و جاددەیا دانیال مێتەران دا.
دیزاینکرنا بالەخانەیا زاخۆ مۆل.
خۆندنا پرۆژێ تێرکرنا بەنداڤا دهۆک ب ئاڤا چەمێ دیجلە.
دوبارە دیزاینکرنا بالەخانەیا نەخۆشخانەیا مووسل.
ئەنجامدانا ڤەکۆلینا گونجاندنێ (فیزەبیلیتی) بۆ گەلەک کارگەهێن خۆمالی.
ئامادەکرنا لێکۆلینا ئەردی (soil investigation) بۆ پتر ژ 900 بالەخانەیان ل هەرێما کوردستانێ.
دیزاینکرنا شیانێن هەلگرتنا ستوونێن قولپ (Piles) بۆ پرۆژێ چارەگەها کوردستانێ (Kurdistan Cross).
دیزاینکرنا سێ کۆمەلگەهێن پیشەسازی ل دهۆک – سلێمانیێ – هەولێرێ.
دوبارە دیزاینکرنا سیستەمێن مێکانیکی و لۆلەکێشانێ یێن سەنتەرێ کۆنگرێسێن نێڤدەولەتی ل زانکۆیا دهۆک (UOD).
نویژەنکرنا نەخۆشخانەیا مووسل بۆ رێکخراوا GIZ.
دیزاینکرنا وێستگەها پاقژکرنا ئاڤا پیس یا فایدێ.
لێکۆلینا ئەردی بۆ رێکخراوا ACTED .