پشکا ئەندازیاریا بایۆمیدکال ل زانکویا دهۆک ڕادگەهینیت کو دەرچوویین پۆلا ١٢ـێ دشێن پێشکێشيی پروگرامێ بەکالوریۆسا جوت باوەرنامە بکەن دگەل زانکۆیا ناڤەندیا هێسن یا تەکنیکی ل ئەلمانیا ب رێیا سەرەدانا کۆلیژا ئەندازیاری.

بەشداری جوت باوەرنامە ببە

پروگرامێ جوت باوەرنامە د ئەندازیاریا بایومیدیکال دا ل زانکۆیا دهۆک و زانکۆیا ناڤەندیا هێسن یا تەکنیکی. گەشتەکا ئەکادیمی یا ناوازە بەردەست دکەت. بدەستڤەئینانا دوو باوەرناما د هەمان دەمدا ئاسویێن تە بەرفرەهـ دکەت و پیشەیێن تە بەرەف بلنداهیێن نوی دبەت.

ئەندازیاریا بایومیدیکال چییە؟

ئەندازیاریا بایومیدیکال بسپوریەکە کو بنەما و تەکنیکێن ئەندازیارى بکاردئینیت بۆ چارەسەرکرنا کێشەیێن بوارێ نوژداری و هەروەسا چاڤدیریا ساخلەمی. ل نافخستنا تێگەهێن ئەندازیارى و ئێکگرتن دگەل زانستێن بایولوژی و پراکتیکێین کلینیکی بۆ دیزاینکرن، پێشڤەبرن و هەلسەنگاندنا ئامیرێن ، سیستەم و تەکنولوژیا نوژداری.

ئارمانج

ئەندازیاریا بایومیدیکال باشترکرنا چاڤدێریا تەندروستی بخوڤەدگریت ب رێکا داهێنانێن دەستنیشانکرن، چارەسەرکن و چاڤدێرکرنا نەخوشی دگەل تەکنولوژیا پێشکەفتی وەکی، وێنەگرتنا (تیشک) پزیشکی، پیشەسازیا ئەندامێن دەستکرد، گەهاندنا دەرمانا، کەرەستێن بایو و ئەندازیاریا شانە.

مفایێن خواندنا ئەندازیاریا بایومیدیکال ل زانکۆیا دهۆک

١. بدەستڤەئینانا باوەرناما بکالوریوس ل دوو وەلاتێن جۆدا د هەمان گەشتا خواندنێ دا ، دگەل دوو باوەرنامێن دەرچوونێ ئێک ژ زانکۆیا دهۆک و ئێکا دیتر ژ زانکۆیا THM یا ئەلمانی.

٢- ئەزموونا پیشەسازی ل ئەلمانیا، مەشق و راهێنانێ دگەل کومپانیەکا ناڤدار ل ئەلمانیا ( بو نموونە سیمێنس) تمام بکە، ئەزموونا کارێ نیڤدەولەتی بدەسڤەبینە.

٣- رێکا ئێکسەریا خواندنا ماستەرێ د بوارێ ئەندازیاریا زانستێن ژیانێ دا ( ب زمانێ ئینگلیزی دهێتە خواندن) ل زانکۆیا THM

مەشقا قوتابیا ل وەلاتێ ئەلمانیا

قوتابیێن پشکا ئەندازیاریا بایومیدیکال دەرفەتا ئەنجامدانا مەشق و راهێنانێ ل وەلاتێ ئەلمانیا هەیە، ل وەلاتێ نافهاتی د شیاندایە ئەزمونا پر بها بدەسڤە بینن ل کومپانیێن ب ناڤ و دەنگێن بوارێ بایومیدیکال . بەرجەستەبونا تەکنولوژیا پێشکەفتی و پیشەسازیا چاڤدێریا تەندروستی زەمینەیەکا نموونەیە بو بکارئینانا شارەزاییا خو د چارچوڤێن پراکتیکیدا.

تێچویێن خواندنێ

تێچویێن خواندنێ ل پشکا ئەندازیاریا بایومیدیکال ٣٥٠٠$ دولارێن ئەمریکی بو هەر سالەکا ئەکادیمی (ماوێ خوادنێ ل پشکێ (٤) چوار سالن). و هەمی تێچویێن گەشتکرن و ڤیزا و تێچویێن ژیانێ ل دەمێ خواندنێ ل وەلاتێ ئەلمانیا ب خوڤە دگریت.

مەرجێن وەرگرتنێ

• نمرەیا گشتی یا پۆلا ١٢ـێ کێمتر نەبیت ژ ٨٠٪.
• نمرەیێن فیزیا و بیرکاری کێمتر نەبیت ژ ٧٠٪.

دێ چەوا پێشکێشکەی؟

بو پێشکێشکرن بو ڤی بەشی پێدڤیە سەرەدانا تومارا کولیژا ئەندازیاری بکەی ل زانکۆیا دهۆک بو پرکرنا فورما و پتر پێزانینا.