پشکا ئەندازیاریا بایۆمێدیکاڵ ل زانکۆیا دهۆک بەشداری ل پێشانگەها MEDICO 2026 کر، ئەوا ل ڕێکەفتی 11 تا 14 ی تەباخا 2026ێ ل پێشانگەها نێڤدەوڵەتی یا هەولێرێ هاتیە سازکرن، ب ڕێكا MedStars ئه‌وا کو بەشەکێ تایبەت بوو ب داهانێنانێن گەنج و پڕۆژەیێن گرێدای ب چاڤدێرییا ساخلەمیێ ڤە.

پێشانگەها MEDICO، ئەوا هاتیە ڕێکخستن ژ لایێ کۆمپانییا North Vision ڤە ب سەرپەرشتییا وەزارەتا ساخلەمیێ ل حکومەتا هەرێما کوردستانێ، ئێک ژ مەزنترین پێشانگەهێن نێڤدەوڵەتی یێن ساخلەمیێ یە ل عیراقێ و هەرێما کوردستانێ. ئاڕمەنجا ڤێ بویەرێ کۆمکرنا شارەزایێن چاڤدێرییا ساخلەمیێ، کۆمپانی، داهێنەر، و سەرکردەیێن ڤی بوارى بوو ژ پتر ژ 10 وەلاتان.

وەکی بەشەک ژ MedStars، ئەوا کو ب تنێ 20 پڕۆژەیێن هەڵبژارتى بخۆڤە گرتین، قوتابیێن پشکائەندازیاریا بایۆمێدیکاڵ پڕۆژەیێن داهێنەرانە نیشان دان، کو دیارکەرێ جەختکرنا پشکێ یە ل سەر جێبەجێکرنێن کرداری یێن ئەندازیاریا بایۆمێدیکاڵ و تەکنۆلۆجیایێن هۆکار ل چاڤدێرییا ساخلەمیێ.