ڕاگریا کۆلێژا ئەندازیاری ل زانکۆیا دهۆک سوپاسی وشانازیێ ئاڕاستەی قوتابییێ هێژا (احمد عزت محمد رشید) ل پشکا کارەبا وکومپیوتەری ژبۆ پشکداریکرنا وی یا کارا د کۆنفرانسێ نێودەوڵەتی یێRCOY MENA 2026 دا کو ل وەڵاتێ عومان هاتبوو ئەنجامدان. بێگومان ئەڤ دەستکەفتە جهێ شانازییا تەڤایا کۆلێژا ئەندازیارییە، و ڕاگریا کۆلێژێ دەستخۆشییا گەرم لێ دکەت وهاندانا وی دکەت بۆ بەردەوامیدان ب ڤان بزاڤێن زانستی و نێودەوڵەتی و داخازا سەرکەفتنێ و ئاینده‌یەکێ گەش و پڕ دەستکەفت بۆ دخوازیت.

کۆنفرانسێ هەرێمی یێ گەنجان بۆ سەقای و کەش وهەوای ل ڕۆژهەڵاتا ناڤەڕاست و باکورێ ئەفریقیا (RCOY MENA 2026) جڤینەکا سەرەکی یا هەرێمییە کو د بن سیبەرا ڕێکخراوا YOUNGO دا، کو تۆڕا فەرمی یا گەنجانە د چوارچۆڤێ ڕێککەفتننامەیا نەتەوەیێن ئێکگرتی بۆ گۆڕینا کەش وهەوای (UNFCCC) دا دهێتە ڕێکخستن. ئەڤ کۆنفرانسە شیانان ددەتە ڕێبەر، ڤەکۆلەر و داهێنەرێن گەنج ل سەرانسەرێ دەڤەرێ ب ڕێکا دابینکرنا سەکۆیەکا کاریگەر بۆ بەحسکرنا خۆڕاگرییا کەشوهەوای، چارەسەریێن ئەندازیاری یێن بەردەوام، و سیاسەتێن ژینگەهی. پشکداریکرن د RCOY MENA دا دەرگەهێن زێڕین ل هەمبەر قوتابیان ڤەدکەت بۆ ئاڤاکرنا پەیوەندیێن نێودەوڵەتی، پێشئێخستنا شیانێن زانستی، و گەهاندنا دەنگ و دیتنا گەنجێن دەڤەرێ بۆ ناڤ کۆڕ و کۆنفرانسێن جیهانی یێن کەش وهەوای.