ئەڤرۆ رۆژا سێشەمبێ رێکەفتی ١٣-١٠-٢٠٢٦ ل کولیژا ئەندازیاری - زانکۆیا دهوک، رێورەسمێن ڤەکرنا کۆمەلگەها ئەندازیاریا وزەیێ - لقا قوتابیان زانکویا دهۆك هاتنە گێران ب ئامادەبوونا بەرێز د.نشوان شوکت راگرێ کولیژا ئەندازیاری و سەروك پشک وماموستا وکۆمەڵەکا قوتابیێن کولیژا ئەندازیاری و ب ئامادەبوونا ئەندازیارێ راوێژگار بەرێز (جوزیف حبیب) سەروکێ لقا عیراقی یا کۆمەڵگەها ئەندازیاریێن وزەیێ. دڤان رێورەسمان دا سمینار هاتنە ئەنجامدان وچەند بابەت هاتنە پێشکێشکرن ژ لایێ ماموستایان و قوتابیان ڤە د بوارێ ئەندازیارییا میکانیک، بۆ زانین ئەڤە ئێکەم لقا قوتابیانە یا کومەڵا ئەندازیاریا وزەیێ ل عیراق و کوردستانێ.

ڕێكخراوا ئەندازیارێن وزەیێ (AEE) ڕێكخراوەكا پیشەیی یا بێ قازانجە و ل هەمی جیهانێ ئەندامێن وێ هەنە، کو ل ساڵا ١٩٧٧ێ هاتیە دامەزراندن. ئەرکێ وێ یێ سەرەکی پێشخستنا بەرژەوەندیێن زانستی و پەروەردەیی یێن ئەوێن د كەرتی وزەیێ دا کار دکەن، ب گرنگیدان ب گەشەپێدانا بەردەوام. ژێدەرێن ب مفا، دەلیڤەیێن پەیوەندیان، و بڕوانامەیێن پیشەیی دابین دکەت بۆ بهێزکرنا شارەزایان د بوارێن ئەندازیاری و بڕێڤەبرنا وزەیێ دا.