کۆلیژا ئەندازیاریێ ئێک ژ کەڤنترین کۆلیژانە ل زانکۆیا دهۆک کو پتر ژ 1350 قوتابیێن بەکالۆریۆس و خواندنا بلند، 123 ئەکادیمی، و 22 تاقیگەهێن فێرکرن وڤەکۆلینێ د ناڤ دا هەنە. کۆلیژ گرۆپەکا جۆراوجۆر ژ پرۆگرامێن بەکالۆریۆس، ماستەر و دکتورایێ ژ پێنج پشکێن ئەکادیمی دابین دکەت کو ب چالاکی قوتابیان وەرگرن، ب تایبەتی:

• ئەندازیارییا شارستانی
• ئەندازیارییا تەلارسازی
• ئەندازیارییا کارەبا و کۆمپیتەر
• ئەندازیارییا مێکانیک
• ئەندازیارییا بایۆمێدیکاڵ

ل کۆلیژا ئەندازیاریێ، ئەم هەوڵێ ددەین بۆ ئامادەکرنا ئەندازیارێن زانینا تەکنیکی یا ب هێز فێربووین دگەل شارەزایێن پراکتیکی یێن پێدڤی د جیهانا نوی دا . ئەم رۆلێ قوتابی وەکو رۆلەکێ سەرەکی د پرۆسەیا فێربوونێ دا دبینین؛ لەورا ئەم قوتابیان هانددەین کو ببنە کەسێن داهێنەر، بیرکەرێن رەخنەگر، دیزاینەر، چارەسەرکارێن ئاریشەیان، کارکەرێن تیمی، هەروەسا پەیوەندیکەر و فێربوویێن سەرانسەری ژیانێ. ئەم سەرەدەریکرنێ دگەل رێزەکا تاقیگەهـ و ئامرازێت کۆمپیتەری دکەین بۆ دابینکرنا پێدڤیێن فێرکرنێ و ڤەکۆلینێ.

پەیام

ئارمانجا مە خزمەتکرنا جڤاکێ کوردستانێ و دەرڤەی وێ یە ب رێکا ئامادەکرنا ئەندازیاران کو ب زانینا هونەری یا گونجایی و بەرپرسیارەتییا جڤاکی یا ب هێز. ئەم سەرەدەریکرنێ دگەل پێشینەیێن خۆمالی و جیهانی دکەین ب ئەنجامدانا ڤەکۆلینێن پراکتیکی و ئامادەکرنا شارەزایان کو ژ رۆژا ئێکێ یا دەرچوونێ رۆلێ خۆ هەبیت.

دید

کو ببیتە کۆلیژا پێشەنگ یا ئەندازیاریێ ل هەرێما کوردستانێ، کو ناسکریە ب باشترین د فێرکرنێ، ڤەکۆلینا پراکتیکی یا ب کاریگەری، و پەیوەندیکرنا دگەل پیشەسازیێ، فێرکرنا ئەندازیارێن پاشەڕۆژێ، یێن کو ئاڤا دکەن و داهێنانێ دکەن، ژینگەهێ بپارێزن و پێشکەفتنا ئابووری ل سەرانسەری ئیراقێ بجوولینن.