دەرچوویێن پڕۆگرامێ ئەندازیاریا بایۆمێدیکاڵ خوەدان ڕابوورەکا بهێز و فرەپشکن د بوارێن ئەندازیاری، بایۆلۆجی، و زانستێن کلینیکی دا. ب ڕێکا کۆرسێن ئامێرێن بایۆمێدیکاڵ، کەلوپەلێن نوژداری، بایۆمیکانیک، پرۆسەکرنا وێنە و سیگنالان، ئۆتۆماتیک و سیستەمێن کۆنترۆڵێ، ئەوان ئه‌و شیانە بدەستڤە ئینانە یێن پێدڤی بۆ بکارئینانا چاره‌سەریێن ئەندازیاری د بوارێن چاڤدێریا ساخلەمیێ دا.

ئەو هاتینە بەرهەڤکرن بۆ کارکرنێ د نەخۆشخانەیان، کۆمپانیێن ئامێرێن نوژداری، ناوەندێن ڤەکۆلینێ، و کەرتی تكنولوجیا ساخلەمیێ دا.

1. ئەندازیارێ کلینیکی / بایۆمێدیکاڵ: ڕێڤەبرن، چاککرن، سەراستکرن (کالیبرەیشن)، و دەستەبەرکرنا کارکرنا سەلامەت یا کەلوپەلێن نوژداری د نەخۆشخانە و دامەزراوەیێن ساخلەمیێ دا.
2. ئەندازیارێ ئامێرێن نوژداری: دیزاینکرن، تاقیکرن، و باشترکرنا ئامێرێن نوژداری و سیستەمێن دەستنیشانکرنێ ل گۆری ستانداردێن سەلامەتی و یاسایی.
3. پسپۆڕێ کەلوپەلێن بایۆمێدیکاڵ: دانیان، دەستنیشانکرنا ئاریشان، و ئۆپتیمایزکرنا سیستەمێن وێنەگرتنێ، سیستەمێن چاڤدێریێ، و کەلوپەلێن چاره‌سەریێ.
4. ئەندازیارێ بایۆماتریال و بایۆمیکانیک: کارکرن ل سەر ئامێرێن دەستکرد (پڕۆستێتیک)، ئامێرێن شیاندنەڤەیێ، و بکارئینانا بایۆماتریالان ئەوئێن ب سەلامەتی دگەل جەستەیێ مرۆڤی کار دکەن.
5. ئەندازیارێ وێنەگرتنا نوژداری و پرۆسەسکرنا سیگنالان: گەشەپێدان و جێبەجێکرنا تەکنیکێن پرۆسەسکرنا وێنە و سیگنالێن دیجیتاڵی بۆ ئارمانجێن دەستنیشانکرن و چاره‌سەریێ.
6. ئەندازیارێ ڤەکۆلین و گەشەپێدانێ (R&D): پشکداریکرن د داهێنانێ دا د بوارێن وەکو ئامێرێن بایۆمێدیکاڵ، ئامێرێن ساخلەمیێ یێن ل بەرکرنێ، سیستەمێن شیاندنەڤەیێ، و تەکنۆلۆجیایێن چاڤدێریا ساخلەمیێ.
7. ئەندازیارێ کۆنترۆلا جۆریێ (کوالێتی) و پێگیریێ: دەستەبەرکرنا کو ئامێرێن نوژداری ل گۆری ستانداردێن جیهانی یێن سەلامەتی، کوالێتی، و ئەنجامدانێ نە.
8. خودان کارێ سەربەخۆ /دەستپێشخەر / ڕاوێژکارێ تەکنۆلۆجیا ساخلەمیێ: دامەزراندنا کۆمپانیێن نوو، پێشکەشکرنا خزمەتگوزاریێن ڕاوێژکاری، یان گەشەپێدانا چاره‌سەریێن نوژداری یێن داهێنەرانە کو ل گۆری پێدڤیێن ناوچەیی و هەرێمی بن.