بەشێ ئەندازیاریا ميكانيك د ساڵا ٢٠١٥ێ دا د ناڤ کۆلیژا ئەندازیاری ل زانکۆیا دهۆک هاتە دامەزراندن، و ئێک ژ پێشکەفتی‌ترین پرۆگرامێن خواندنا ئەندازیاری د هەرێمێ دا پێشکەش دکەت. ژ دەمێ دەرچوونا ئێکەم خولا ئەندازیارێن ميكانيك د ساڵا ٢٠١٩ێ دا، بەشی بەردەوامی دایە بەرفراوانکرنا کاریگەريا خوە یا ئەکادیمی، و نوکە هەم پڕۆگرامێ بەکالۆریۆسێ (B.Sc.) و هەم ژی پڕۆگرامێن خواندنا بلند پێشکەش دکەت.

پڕۆگرامێن ئەکادیمی و پرۆگرامێ خواندنێ

پرۆگرامێ خواندنا مە پشتبەستنێ ل سەر پێكهاتەیەكا مۆدیولار یا ل سەر بنەمایێ سمستەران دکەت کۆ گۆنجایە یە دگەل سیستەمێ ئۆروپى یێ ڤەگوهاستنا یەکەیان (ECTS) و پرۆسەیا بۆلۆنا (Bologna Process).

• بەکالۆریۆسا زانست (B.Sc.) د ئەندازیاریا ميكانيك دا: پڕۆگرامەکێ ٤ ساڵی یە کۆ تایبەتمەندیەکا گشتی د ئەندازیاریا ميكانيك دا دپۆشیت. کۆرسێن خواندنێ یێن فرەپشک زانیاریێن بنەڕەتی د بوارێن ميكانيك، داینامیکا گەرمیی، ميكانیکا شلەیان، ڤەگوهاستنا گەرمیی، زانستێ کەلوپەلان، لەرزین، سیستەمێن کۆنترۆڵێ، و دیزاینکرن ب هاریکاریا کومپیوتەری (CAD) گەشە پێددەن.
• پڕۆگرامێن خواندنا بلند: خواندنا بلندا پێشکەفتی یە کۆ ڕاهێنانا ئەکادیمی یا تایبەتمەند و دەرفەتێن ڤەکۆلینێ د بوارێن پێشکەفتی یێن ئەندازیاریا ميكانيك دا دابین دکەت.

گرنگیپێدانا داهێنانێ و دوومدارییا ژینگەهێ

ڕێبازا فرەپشک یا بەشی بنەمایێن تیۆری و پێدڤیێن پراکتیکی یێن پیشەسازیێ دا پێکڤە گرێددەت. ب گرنگیپێدانا دوومداریا ژینگەهێ، دیزاینکرنا بەرهەمان، و ڕێڤەبرنا پڕۆژەیان، پڕۆگرامێن مە دەرچوویان ئامادە دکەن بۆ بەرهەنگارییا و چاره‌سەرکرنا ئاستەنگێن گرنگ یێن هەرێمی و جیهانی د سیستەمێن وزەیێ، بەرهەمهێنانا پیشەسازی، ڤەگوهاستن، و ژێرخانا خزمەتگوزاریێن تەندروستیێ دا.

ئەزموونا پراکتیکی

قوتابی زانیاریێن پراکتیکی بدەستڤە دئینن ب ڕێكا وانەیێن تاقیکەهێ یێن تێکهەڵكری، پڕۆژەیێن دیزاینا ئەندازیاری، ڤەکۆلینا دەستپێکا دەرچوونێ، و مەشقکرنا پیشەسازی یا نەچارەکی د ساڵا دوماهيێ دا. ئاسانکاریێن مە پێکدهێن ژ هۆلێن وانەبێژیێ یێن تایبەت، تاقیکەهێن کومپیوتەری بۆ بەرنامەسازی و هەمبەرکرنێ (simulation)، و تاقیکەهێن تایبەتمەند د بوارێن ڤەگوهاستنا گەرمیێ و داینامیکا شلەییان دا.