ل رێکەفتی ٦-٩-٢٠٢٦، د چوارچۆڤێ گەشەپێدانا پەیوەندیێن ئەکادیمی و ب داخوازنامەکا فەرمی، شاندەکێ کۆلێژا ‏ئەندازیاری ل زانکۆیا دهۆک کو پێکهاتبوو ژ راگرێ کۆلێژێ و سەرۆکێ پشکا ئەندازیاریا بایۆمێدیکال، سەردانا وەلاتێ ‏ئەلمانیا کر.‏

د ئەڤێ سەردانا زانستی دا، شاندێ زانکۆیا دهۆک دگەل سەرۆکێ زانکۆیا (‏THM) ‎یا ئەلمانی کۆمبوو. د کۆمبوونێ دا ‏دانوستاندن ل سەر ڤەکرنا پرۆگرامەکێ نوو یێ بڕواناما دووقۆلی (‏Double Degree) ‎هاتنە کرن، زێدەباری ‏روودشتکرن و ب هێزکرنا پرۆگرامێ نوکە یێ بڕواناما دووقۆلی د ئاستێ ئەندازیاریا بایۆمێدیکال دا.‏

ژ ئالیەکێ دن ڤە، شاندێ مە ب مەرەما ئاگەهداربوون ل سەر رەوشا قوتابیێن زانکۆیا دهۆک، سەردانا هەردوو لایەنان ‏‏(زانکۆیا ‏THM‏ و کۆمپانیا جیهانی یا ‏Siemens Healthineers) ‎کر، ئەو قوتابیێن کو بۆ مەبەستا کارمەشق و راهێنانا ‏پەرەپێدانا شیانان هاتینە هنارتن. ل دۆر ڤێ چەندێ، ژ لایێ زانکۆیا ‏THM‏ و کۆمپانیا ‏Siemens Healthineers‏ ڤە ‏دلخۆشی و ڕازیبوونا تمام ل سەر ئاستی زانستی و کاراهیا قوتابیێن زانکۆیا دهۆک هاتە دەربڕین.‏

ئەڤ سەردانە پێنگاڤەکا گرنگە بۆ بهێزکرنا هەڤکاریا ئەکادیمی یا نێودەوڵەتی و ڤەکرنا دەرگەهێن نوو یێن فێرکرنێ و ‏راهێنانێ بۆ قوتابیێن کۆلێژا مە.‏