دەربارەی پرۆگرامی
پڕۆگرامێ بەكالۆریۆس د ئەندازیارییا شارستانی دا پسپۆرییەكا گشتی د ئەندازیارییا شارستانی دا دابین دكەت. ئهڤه پڕۆگرامهكێ چوار سالی یه كۆ باوهرنامهیا بهكالۆریۆسێ (B.Sc.) ل سهر ههشت سیمیستهران دابەش دبیت. قوتابی د ئهڤی پڕۆگرامی دا بوارێن سهرهكی دخوینن ژ وان ژی: ئهندازیارییا ئاڤاهیا، جیۆتەكنیكی، ڤەگوهاستن، ژینگەهـ، رووپیڤانی، و ئەندازیارییا ژێدەرێن ئاڤێ. پرۆگرامێ خواندنێ بنەمایێن تیۆری یێن ب هێز دگەل ڕاهێنانێن پرۆڤەیی و مەیدانی و تاقێگەهی تێكەڵ دكەت. پرۆژەیێن دیزاینێ و وانەیێن پرۆڤەیی شیانێن چارەسەركرنا کێشەیان و کارێ ب کۆم ل دەف قوتابیان ب هێزتر لێ دكەن.
ڕۆڵێن پیشەیی یێن دەرچوویان
دەرچوویێن پڕۆگرامێ ئەندازیارییا شارستانی د بەرهەڤن بۆ کارکرنێ د ڕۆڵێن پیشەیی یێن جۆراوجۆر دا د کەرتێن گشتی و تایبەت دا. ئهو دشێن وەکو ئەندازیارێن ئاڤاهیا، جیۆتەکنیكی، ڤەگوهاستن، ژێدەرێن ئاڤێ، و ژینگەهێ کار بکن كو پشکداریێ د دیزاین و گەشەپێدانا پرۆژەیێن ژێرخانی دا دکەن. هەروەسا دەرچوو دشێن وەکو ئەندازیارێن روپێڤانیێ کار بکن بۆ ئەنجامدانا روپێڤانا ئاخێ، نهخشهكێشانێ، و ئامادەکرنا نەخشەیێن ئاڤاکرنێ. گەلەک ژ وان کار دکەن وەکو ئەندازیارێن ساێتێ (مەیدانی)، ئەندازیارێن کۆنترۆلا جۆریێ (کوالێتی)، یان ڕێڤەبەرێن پرۆژەیێن ئاڤاکرنێ كو سەرپەرشتیا جێبەجێکرن و پێگیریێ دکەن. ب زێدەهی ڤە، دەلیڤەیێن کاری د خزمەتگوزاریێن ڕاوێژکاری، دامەزراوەیێن ڤەکۆلینێ، و بوارێن ئەکادیمی دا ب ڕێکا خواندنا بلند هەنە.
باوەرنامەیا دهێتە بەخشین
بەكالۆریۆس د زانستێن ئەندازیارییا شارستانی دا (.B.Sc)
ماوێ پڕۆگرامی
٤ سال (٨ سیمیستەر)
هژمارا یەکەیێن خواندنێ
٢٤٠ یەکەیێن ئەوروپی (ECTS)
ئاوایێ خواندنێ
دەواما تەمام د ناڤ کەمپا زانکۆیێ دا
پێزانینێن تێروتەسەل دۆر پێدڤیێن پڕۆگرامی، وانەیێن خواندنێ، یەکەیێن خواندنێ، و ئارمانجێن پەروەردەیی وەکو فایلا PDF بدەست خۆ ڤە بینە.
ئارمانجێن پرۆگرامی
شیاوییا پیشەیی
بەرهەڤکرنا دەرچوویان ب زانین و شارەزاییێن تەکنیکی یێن ب هێز دا کو ب شێوەیەکێ کارا شیکارکرن، دیزاینکرن، و ڕێڤەبرنێ بۆ پرۆژەیێن ئەندازیارییا شارستانی بکەن.
ڕەوشت و سەرکردایەتی
پێشئێخستنا مهندسێن بەرپرسیار ئهوێن کو پابەندبوونا ڕەوشتی، سەرکردایەتی، و پەیوەندیکرنا کارا د ناڤ تیمێن فرە-تایبەتمەندی دا نیشان دددەن.
کردارا بەردەوام
ئامادەکرنا دەرچوویان بۆ بکارئینانا چارەسەریێن ئەندازیاری یێن بەردەوام و نووژەن (نویگەر) ئهوێن بەرسڤا پێدڤیێن جڤاکی و ژینگەهی دددەن.
فێربوونا بدرێژاهیا ژیانێ
هاندانا گەشەپێدانا پیشەیی یا بەردەوام، پشکداریکرن د ڤەکۆلینان دا، و بەردەوامیدان ب خواندنا بلنتر.
دەرئەنجامێت فێربوونا پڕۆگرامی
- زانینا ئەندازیاری: بکارئینانا بیرکاری، زانستێن سروشتی، و بنەمایێن ئەندازیاری بۆ چارەسەرکرنا کێشەیێن ئاڵۆز یێن ئەندازیارییا شارستانی.
- شیکارکرنا کێشەیان: دەستنیشانکرن، دارشتن، و شیکارکرنا ئاستەنگێن ئەندازیارییا شارستانی ب بکارئینانا ڕێکێن شیکارکاری و ژمارەیی یێن گونجای.
- دیزاین و گەشەپێدان: دیزاینکرنا سیستەمێن ژێرخانی یێن ئێمین و بەردەوام کو بەرسڤا پێدڤیێن دیارکری بدەن، ب بەرچاڤ وەرگرتنا ساخلەمیا گشتی، سلامەتی، و کارتێکرنێن ژینگەهی.
- ڤەکۆلین و تاقیکرن: ئەنجامدانا تاقیکرنان، شیکارکرنا داتایان، و ڤەگوهاستن و راڤەکرنا ئهنجامان بۆ باشترکرنا چارەسەریێن ئەندازیاری.
- بکارئینانا ئامرازێن نویژەن: بکارئینانا کارا یا پرۆگرامێن کۆمپیوتەری یێن ئەندازیاری یێن هەڤچەرخ، ئامێرێن تاقێگەهێ، و تەکنۆلۆجیایێن دیجیتاڵی.
- ڕەوشت و بەرپرسیارییا پیشەیی: نیشاندانا ڕەفتارا ڕەوشتی، بەرپرسیاری، و تێگەهشتن ژ پێوەر و ستانداردێن پیشەیی.
- پەیوەندیکرن و کارێ ب کۆم: کارکرنا کارا د ناڤ تیمێن فرە-تایبەتمەندی دا و گەهاندنا ڕوون و ئاشکرا یا پێزانینێن تەکنیکی.
- فێربوونا بەردەوام (هەتا هەتایێ): پشکداریکرن د گەشەپێدانا پیشەیی یا بەردەوام دا و خۆگونجاندن دگەل تەکنۆلۆجیایێن نوی و ممارساتێن پیشەسازیێ.
پێدڤیێن گشتی یێن تەمامکرنا پرۆگرامی
کورسێن خواندنێ
ژ قوتابيان دهێته خواستن كو كێمتری ٢٢٢ یەکەیێن ئەوروپی (ECTS) د ماوێ ٨ سیمیستەران دا بدەست خۆ ڤە بینن.
پرۆژێ دەرچوونێ
ژ قوتابيان دهێتە خواستن پرۆژەیەکێ دەرچوونێ کۆ ١٢ یەکەیێن ئەوروپی (ECTS) ئەنجام بخۆڤە دگریت، ڕاپۆرتەکێ پێشکێشی پشکێ بکەن، و تاقیکرنێ ب سەرکەفتن دەرباز بکەن.
ژ قوتابی دهێتە خواستن ڕاهێنانەکا مەيدانی (ئینتێرنشپ) بەرامبەر ٦ یەکەیێن ئەوروپی (ECTS) ئەنجام بدت، ب گشتی د سیمیستەرا دوماهيێ دا یا بپشتی بدەستڤەئینانا کێمتری ١٨٠ یەکەیێن ئەوروپی (ECTS).
هێلکارێ دارشتا پڕۆگرامی دگەل یەکەیان
رێکخەرێ پرۆگرامی
Sept. 1, 2026
⚠️ قوتابیێن ساڵا ئێکێ ل دەوروبەرێن ناڤەڕاستا هەیڤا دەهـ (تشرینا ئێکێ) دەست پێ دکەن
⚠️ قوتابیێن ساڵا ئێکێ ل دەوروبەرێن ٢٠ هەیڤا ئێک (کانینا دووێ) ئەزموونا دەسپێ دکەن پێ دکەن
July 1, 2027
ساڵنامەیا ئەکادیمی یا تەمام بخوینە ل سەر مالپەرێ زانکۆیا دهۆک
پرۆفیسورێ هاریکار د ئەندازیارییا ژینگەهێ دا
ئهندازیاریا شارستانی
كوليژا ئەندازیارى
زانکۆیا دهۆك
وەرگرتنا قوتابيان د قۆناغا بەكالۆريۆسێ دا د زانکۆیێن حکومی یێن هەرێمێ دا ب شێوەیەکێ ناوەندی ژلایێ وەزارەتا خوێندنا باڵا ڤە ب ڕێكا پۆرتالا ئەلیکترۆنی یا زانکۆلاین (regayzanko.com) دهێتە ڕێڤەبرن. پشتی ڕاگەهاندنا ئەنجامێن پۆلا ١٢ێ یا ئامادەیی، قوتابخانە هەژمارێن چوونەژوورێ ددنە قوتابیان دا کو د ماوێ ١٠ هەتا ١٤ ڕۆژان دا ئارمانج و حەزێن خۆ یێن زانکۆ و بەشێن خواندنێ دیار بکن. دابەشکرنا کورسیان ب شێوەیەکێ ئۆتۆماتیکی ل سەر بنەمایێ تێکڕایێ (نمرە) پۆلا ١٢ێ، بابتان، و شیانا وەرگرتنا بەشان دهێتە دیارکرن.